Si Francine ug ang Orange and Lemons

Nabaniog sa Social Media Platform ang nahitabong pag-walk out sa orange and lemons sa stage sa dihang nisulod si Francine Diaz. Wala damtig dugay ang bokalista sa maong banda nihatag man sa iyang komentaryo ug gani iyang gi-emphasize nga kinahanglan gyud ang respeto. Nagkadaiya ang ilang tubag niini. Daghan ang nikomento pabor ug supak sa matag habig.

Karong mga panahona tuod daghang mga tawo ang mainitong manalipod sa ilang katungod ug dungog. Daghanan nato ang dili na maantigong mo-adjust sa mga panghitabo nga sama niini.

Sa laing bahin, makingon kita nga sayop gyud to sa organizer apan sa mas practical nga paagi mahimong sakyan ang maong kapalpakan alang sa mas positibo ug maanindot nga resulta diin malipay ang tanan. Mahimong ila tong tukaran na lang samtang nagkanta uya inig kahuman sa pasundayag anha pa hisgotan ang lapses.

Kun matandog nag ani ang garbo lisud na gyud kaayo. Mao kini ang ikalipay sa kangitngit nga ang tanan malumsan sa ilang garbo ug panginahanglan sa pagdayeg.

Angayan kitang magmatngon. Tinuod lisud ang pagpaubos apan wala kini magpasabot nga dili ni mahimo. Unta ang maong hhitabo makahatag kanato og pagtulon-an nga mas mahinungdanon ang kalinaw ug kalipay kaysa panag-away.