Nagpinirmahay og kasabutan labot sa ilang panagbuwag

Dear Atty. Divine,

Usa ko sa nagsunod sa imong column sa Banat News. Duna koy pangutana may labot sa among kasabutan nga among gipirmahan uban sa akong bana sa miaging tuig. Di na gyud nako ma-agwanta ang iyang maltreatment diri nako attorney kay iya kong gi-abuso physically. Ang akong mga anak mismo mao nay nangita og paagi aron hingpit nang mahunong ang pagpamun-og sa ilang amahan ngari nako. Atol sa among panagbuwag attorney, nagpirmahany mi og kasabutan nga dili na maghilabtanay sa among tagsa-tagsa ka kinabuhi ug ang among mga anak mismo maoy misaksi niini. Ang akong pangutana kun aduna bay legal nga gibug-aton ang maong kasabutan? Daghang salamat.

Lorna

* * *

Dear Lorna,

Walay legal effect sa inyong kaminyuon ang inyong gipirmahan nga kasabutan sa panagbuwag. Kini tungod kay ang marriage usa ka special contract, buot ipasabot nga wa kini expiration date ug dili sab kini subject sa terms and conditions sa magtiayon. Busa bisan pa sa maong kasabutan nga inyong gipirmahan, nagpabilin gihapon ang inyong marriage bond. Ang korte lang ang mamahimong makabugto sa inyong marriage bond pinaagi sa pag-file og Annulment of Marriage. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.