Milunsad og kampanya ang Bureau of Immigration (BI) batok sa mga Indian (Bombay) nga loan sharks o kadtong nagpadagan og 5-6 sa lalawigan sa Antique gumikan usab sa hangyo sa Sangguniang Panlalawigan sa maong probinsya kinsa mi-alegar nga, gawas sa pagpatanto, naghimo usab sila g mga illegal nga kalihokan. Gawas nga mireklamo ang mga Bombay ni ng pagdakop kanila, mireklamo usab sila sa nangutang kay gahi kuno mobayad. Matud pa sa Bombay, Pag-release nako sa loan, gihiktan pa ang ilang mga iro; karon naningil na ko, gibuhian na ang mga iro. Madahaan!
Hingpit nga nahanaw
Namahayag sia NFA OIC Administrator Larry Lacson nga gipamalit sa mga rice traders ang mga palay sa taas nga presyo itandi sa kumprada sa NFA hinungdan nga naglisod na ang ahensya pagpamalit og palay atol sa ting-ani. Nagtuo si Lacson nga adunay dakong panginahanglan ang mga rice traders mao nga giunhan nila ang NFA pagpamalit sa palay sa taas nga presyo. Yano lang ang pagtan-aw sa NFA Administrator sa sitwasyon. Wala niya mapanglantawi ang posibleng hoarding nga pagahimoon sa mga trader. Hingpit na ng nahanaw ang paglaum sa katawhan nga makasinati og tag-P20 ang kilo sa bugas. Fezteleern!
Maayo pa ang iring
Matud pa ni kanhi Ilocos Sur governor Luis Chavit Singson, ang gihatag niya nga P100,000 ngadto sa mga MMDA traffic enforcer dili suborno kon dili premyo, tungod sa pagdakop nila sa convoy ni Singson sa illegal nga pag-agi sa EDSA Busway. Bisan unsa pa y asoy nga hablon ni Singson, ang paghatag og kwarta atol sa mga mananakop, pagatawgon gayod og suborno. Mas maayo pa ang iring kay kon masakpan nga nanungkab, dili gayod mo-explain ni mohatag og alibi sa iyang nabuhat. Haum ni ng kahimtanga ang panahom nga, Ang kaayohan sa mga mananakop maoy labing maayong alibi sa mapalabi-labihon. Muleeeng!
Martilyo ra y himan
Alang kang Senador Robin Padilla, mahinungdanon ang kortesiya sa mga driver ingon man ang road safety education alang sa kasulbaran sa trapiko sa Metro Manila ug sa ubang dapit. Mahimong makatabang sa kahapsay ang sugyot sa senador apan dili kini hingpit makasulbad sa suliran sa trapiko. Dili lamang institutional ang maong suliran kon dili technical usab. Ang panahom sa senador, makapahinumdum kanato sa panultihon nga, Kon martilyo lang imong gihuptan nga himan, ang tan-aw nimo sa tanan g suliran pulos LANSANG. Maoy gidangaat!
Nahisama sa gabasero
Miluwat si Cebu City Mayor Michael Rama og direktiba ngadto sa mga hepe nga mitugot sa ilang mga J.O. Workers nga motrabaho bisan walay kontrata nga maoy mosagubang sa sweldohan sa naasoy ng mga J.O. Daw wala na igsapayan ang natampo sa mga J.O. sa pag-implementar sa mga programa sa dakbayan ingon man ang matuod nga hinungdan ngano nga wala sila mabuhati og kontrata. Adunay daghan g pamilya nga maapektahan ug labaw nga daghan g utang ang dili mabayran. Nahisama sila sa mga gabasero nga inig ka human og gabas sa kahoy, mosiyagit na lang nga TABLAA. Pagkatoytoy!