Lalaki nangangkong managkot lang diha kilid sa unibersidad

CEBU, Philippines — Kasong attempted arson ang gipasaka kagahapon batok sa 46-anyos nga lalaki kinsa giingong nisuway og sunog sa Catholic School diha sa P. Lopez Street, Barangay Kalubihan, Siyudad sa Sugbo atbang sa Carbon Public Market.

Ang suspetsado nga si Alejandro Bernardo Langi, residente sa Dasulpan Lutopan, Dakbayan sa Toledo kinsa natanggong karon sa detention cell sa Cebu City Police Office (CCPO) nangangkon nga tumong lang niya nga managkot og kandila sa simbahan sa Our Lady of Mt. Carmel ug wala siya y intensiyon nga sunogon ang unibersidad.

Matud ni Langi nga naandan niya kaniadto nga sa likod nga bahin sa tunghaan siya magdagkotan og kandila ug wala siya masayod nga gibalhin na diay kini sa atubangan.

 Nagdako ta sa probinsiya, binukidnon atong style sa pagsunod sa ilaha wala ko mamakak kay kong tuyo gyud to nako dili ko magdala og dokumento ug tinuod nako nga pangalan nga akong dalhon sa akong pagkatawo nga maglakaw-lakaw ko sa dalan , padayag ni Langi.  Nangayo kini og pasaylo sa tagdumala sa unibersidad ug nipasalig kini nga dili na  niya usbon ang maong binuhatan.

Dugang ni Langi nga nagtrabaho usab siya sa simbahan kaniadto.  BDB BANAT NEWS