Dear Atty. Divine,
Dunay koy pangutana labot sa managlahi nako nga record sa date of birth. Ang date of birth sa akong mga records, sama SSS, driver’s license ug PhilHealth lahi sa date of birth nga anaa sa akong birth certificate. Unsay akong angayan nga buhaton aron magtakdo ang akong records. Daghang Salamat.
Ernesto
* * *
Dear Ernesto,
Mas maayo nga ang imong date of birth nga nalatid sa imong birth certificate maoy dapat nimong tumanon. Mamahimo nimong ipausab ang imong records sa SSS, driver’s license og PhilHealth pinaagi sa imong pag-submit og kopya sa imong birth certificate gikan sa Philippine Statistics Authority kon PSA.
Mas dali kini nga proseso ug dili ka na moagi pa sa korte. Sukwahi kun ang imong ipausab mao ang imong date of birth sa birth certificate kay magkinahanglan na kini og pagtugot sa korte kun maglambigit na og tuig ang sayop niini. Thank you and God Bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.