City Hall cashier dili senior lover

Ikaduhang semana sa Pebrero 2024 miadto ko sa Cebu City Hall, Real Property Tax payment offce sa pikas building aron mobayad sa tinuig nga bulohisan. Pero, guba ilang linya sa internet ug giayo pa kuno sa ilang IT expert.

Gipangutana ko ang usa sa mga empleyado kon kanus-a mahibalik ang normal nga linya? Usa ka oras, duha, o mosobra pa ba? Iyang tubag, bisan ugma puhon, walay seguro kon maayo na ba? Gumikan niini, nakahukom kong sunod semana na lang mobayad kay basin ma-okay na ang linya sa ilang computer nga maoy tigprinta sa opisyal nga mga resibo.

Busa pagka-ikatulo ka semana dihang moadto na unta ko, gisultian ko sa akong misis nga wala pa kuno maayo ilang internet. Hinungdan, sa Pebrero 27, 11:45 a.m. na lang gyod ko miadto.

Pag-abot sa akong turno didto sa Real Property Tax paying office, senior lane, Window 2, gisultian nako ang cashier nga sugod pa sa ikaduhang semana sa Pebrero kong nagbalikbalik sa pagpinaabot ug karon lang, Pebrero 27 mipursiger og balik kay namasin nga maayo na ilang linya.

Pastilan, gikasuk-an man hinuon ko: “Kon nanawag ka pa, Sir, dili unta ka magbalikbalik!” Husto baya siya. Ang parat, kay walay empleyadong mitunol nakog contact number nila. Maoy nakasayop! Hinuon, nagpakahilom lang ko.

Ikaduha, adunay proper delivery of words in rendering a happy-good service.

Inay kasuk-an ang kustomer, imo kining tabangan sa unsay kulang pinaagi sa pagtunol og contact number uban ang mapahiyomong tambag: “Sa sunod, Sir, tawag lang daan, ha, una ka moari aron dili ka mabawo.” Dili ba, lami paminawon?

Ikatulo, nakalimot ang cashier sa Window 2, nga ang mga senior citizen naupaw-nangunot na lang intawog binayranay sa buhis nga maoy gisuweldo nilang cashiers. Amo-boss ang senior citizens sa tanang public servants. Busa, angay lang tahuron, ampingan, tabangan ug mahalon. Nga wala diha sa kinaiya sa naasoyng cashier.

Kaaway ni Cebu City Mayor Michael ‘Mike’ Rama ang mga tapolan ug aroganteng kawani sa city hall.

Ang maong cashier, dili lang kulang og customers’ service. Wala pa gyoy gugma sa seniors.

Unta, ipaubos siya sa high quality standard of Customers Service Training Program. Buwahan, makat-on!