Dear Atty. Divine,
Gusto na unta ko nga magbayad og Capital Gains Tax sa BIR sa property nga akong napalit aron akong ma-process ang pag-transfer niini. Apan ang Deed of Sale napirmahan ug nanotaryuhan niadto pang 1981. Sa dihang miadto ko sa BIR, gipangayoan ko og Certified True Copy sa Deed of Absolute Sale. Ang problema kay patay na ang lawyer nga nagnotaryo niini so di nako makakuha og kopya gikan sa iyang opisina kay dugay nang nasira. Miadto sab ko sa Clerk of Court aron pagpangayo og Certified True Copy apan wala silay kopya sa maong Deed of Sale kay wa mo-submit ang maong lawyer sa iyang ginotaryuhan nga mga dokumento. Unsa may angayan nako nga buhaton aron makapadayon ko sa pag-process sa transfer sa property nga akong napalit? Thank you and more power! -- Havie
* * *
Dear Harvie,
Kun di gyud ka makakuha og certified true copy sa Deed of Absolute Sale nga maoy gipangayo sa BIR, mamahimo ka nga magpahimo og usab sa Deed of Absolute Sale and then imong papirmahan sa seller og panotaryuhan. Kini aron makapadayon ka sa pagpa compute sa Capital Gain tax og Documentary Stamp Tax nga maoy imong gikinahanglan alang sa pag-process sa pag-transfer niini. Imo lang pasabton ang Seller nga gikinahanglan nimo ang maong dokumento aron ma process nimo ang pag-transfer sa property. Apan kun pananglit, namatay na ang seller, ang mga heirs na niini ang imong papirmahan og Extrajudicial Partition with Sale og mo-submit ka sa BIR og additional documents alang sa pagbayad usab og Estate Tax kun patay ang seller. Thank you and God Bless. -- Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.