Ipasukod ang yuta aron maklaro ang utlanan

Dear Atty. Divine,

Duna mi yuta nga na-inherit sa among mga ginikanan nga namatay na last year. Tulo mi ka igsuon ug ang gidak-on sa yuta basi sa iyang tax declaration 200 square meters. Ang akong ubang igsuon miposisyon na kun asang dapita ang ilang bahin. Ang ako untang gusto nga maklaro ang utlanan sa matag bahin aron kun duna mi tukuron nga balay dili molapas sa boundary nga posibleng maoy makamugna og kagubot. Unsay angayan namong buhaton?  Rowena

Dear Rowena,

Basi sa balaod dapat inyong bahinon ang maong yuta in equal share. Aron maklaro ang pagbahin niini ug ang mga utlanan, kinahanglan nga inyong ipa survey og ipa subdivide og katulo ang maong property ug inyong pabutangan og mohon ang matag utlanan. Mas maayo nga inyo kining buhaton sa dili pa mo motukod sa inyong tagsa tagsa ka pinuy-anan aron kalikayan ang boundary dispute in the future. Thank you and God bless.  Atty. Divine

*  *  *

Alang sa inyong pangutana, palihug lang  sa pag-email sa [email protected] ug akong tubagon ang inyong pangutana pinaagi sa  akong column matag Miyerkules, Sabado ug Domingo.