Pagpamaladong sa Malangkubong kaayohan
Kining maong hilisgutan gikan sa libro ni Agostino Taumaturgo: Handbook of Exorcism and Deliverance
Sa akong pangalagad ingon nga usa sa mga eksorsista sa atong artsidyosesis akong gikahabi ang pipila nga nipaambit sa ilang mga kasinatian sa anino. Padre nakakita ko og anino nilabay sa akong atubangan, anino nga nag-umbaw samtang ako natulog! ug uban pang mga sulugilanon. Sa akong bahin dili gyud dayon ako motuo. Ug gipaningkamotan ang mas halawom nga pagpamalandong ingon man ang pagduki duki. Ngano man?
Alang sa yanong mga eksorsista giisip nila kining Demonic Interference nga sa ato pa wala mosulod ang yawa sa lawas sa biktima kondili usa lamang ka pagpanghilabot sa yawan-ong presensiya ug gahom sa usa ka dapit o teritoryo. Sa laing bahin alang niadtong mga psychologically inclined exorcists ila kining giisip nga mugna lamang sa hunahuna sa pasyente nga dunay suliran sa pangisip kun mental disorder.
Atong hinumdoman nga ang Rito sa Eksorsismo dili mogana ning maong kahimtang. Hinunoa mas mograbe pa hinuon ang sitwasyon sa pasyente kinit ungod kay atong gi-reinforce negatively ang iyang auto belief/suggestion nga dunay yawa sa iyang kinabuhi pinaagi sa anino nga naghasol kaniya. Ning paagiha aron mawala kining maong anino sa hunahuna sa tawo gikihananglan niya ang Jungian Shadow Work nga mahimong dumalahon sa usa ka lisensiyadong eksperto kalabot niini. Ang mga sesyon nga makapawala sa stress dako man kaayo og ikatabang.
Kasagaran sa naingon niini nga kahimtang kadtong mga tawo nga nahimong biktima sa usa ka traumatized ug unhealthy relationship sa ilang mga sakop sa pamilya, kulto, organisasyon kang kansang presensiya sa abuso (verbal, physical, sexual etc.) apan gilubong sa kalimot aron wala nay samok o dili ba kaha aron maka move on. ang binuhatan sa mga significant others nga dili makatarunganon ang dako kaayo og tampo nga maumol sa ilang alimpatakan ang anino sa yawa o dautan nga mohamok sa ilang panumdoman bisan pa man kun dugay na kining nahitabo. Buhaton agig tabang ang pagtangtang ning maong anino gikan sa ilang hunahuna ug pagbati ug sa pagsilsil sa ilang hunahuna nga kadtong mga anino dili tinuod hinunoa mugna sa mga tawo nga nakasamad sa ilang balatian mga tuig na ang nilabay.
Akong giampo ngadto nila dili man ang pag-ampo sa eksorsismo kondili akong giampo prayer of inner healing sanglit samaran man ang ilang psycho-emotional nga Kahimtang. Uban ang pagsalig sa Dios nga makab-ot sa pasyente dili lang ang kalingkawasan gikan sa anino kondili usab alang sa iyang psycho-spiritual integration.