Namahayag ang duha ka kanhi Senate Presidents nga si Senador Franklin Drilon ug Vicente Sotto nga bugtong si Presidente Marcos lamang ang makapakgang sa nagkadako nga panagbangi tali sa Senado ug sa Ubos Balay Balauranan. Ni ng pamahayag sa duha ka kanhi senador, daw nagpasabot man nga adunay tagsa-tagsa ka agenda ang duha ka institusyon ug piho nga wala mag-una sa maong agenda ang kaayohan sa katawhan. Kay kon kaayohan pa sa katawhan ang ilang kawsa, dili angayan g pakgangon sila sa presidente. Tinuod ang panultihon nga Ang politiko naghunahuna lang sa sunod nga eleksyon, apan ang matuod nga lungsodnon (statesman) naghunahuna sa umaabot nga henerasyon . Saoonz!
Dili haum nga polisiya
Giawhag ni DILG Secretary Benjamin Abalos Jr., ang mga kagamhanan g lokal nga estrikto ng ipatuman ang pagdili sa mga tricycle ug mga pedicab sa pagbiyahe sa mga national highways sa tumong nga malikayan ang mga aksidente sa kadalanan. Maayo ang tumong sa kalihim apan dili kini praktikal nga ipatuman lukop-nasud. Sayod kita nga sa mga probinsya ug ubang kalungsoran walay laing dalan nga kaagian kon dili ang national highway lamang ug walay dominante nga kasakyan kon dili mga tricycle ug pedicab. Haum ang panahom nga, Ang gobyerno walay konsensya; usahay aduna kini mga polisiya apan kutob ra diha kay ang maong polisiya dili haum sa tinuoray nga kahimtang . Fezteleern!
Paghot sa buwan
Nanawagan ang militante ng pundok nga Pilipinong Nagkakaisa para sa Soberanya ngadto sa China nga kuhaon na niini ang ilang mga barko diha sa West Philippine Sea ug hunongon na usab ang pagpangangkon sa maong teritoryo. Alang sa grupo, ang pagpahawa sa China ug pag-dismantle sa ilang mga military installations sa maong lugar maoy yawe sa pagpakunhod sa tensyon tali sa duha ka nasud. Paghot sa iro ngadto sa buwan lang kining panawagan sa militante ng pundok ug dili gayod kini makatandog sa baruganan sa China. Tataw nga igo lang motamihid niini ang China, dayon ingon nga, Ba dihaaa; Syaraaap . Pagkatoytoy!
Gihapin ang kalendaryo
sumala sa Commission on Population and Development (kanhi POPCOM), ang gidaghanon sa mga inahan nga nimamdos nga nagpangedaron lamang og ubos pa sa 15 anyos misaka ngadto sa 35% sa tuig 2022. Makapahingawa ang maong balita kay sagad sa maong pangedaron wala pa y kabangkaagan sa pagka-inahan. Makapahinumdum sa magtiayon nga nnahibulong ngano nga mimabdos man gihapon ang asawa bisan gituman nila ang tambag nga mogamit sa calendar method . Sa dihang gipangutana giunsa nila paggamit ang calendar method , mitubag ang magtiayon nga Among gihapin ang kalendaryo samtang nakighilawas . Atala lagee!
Ordinansa batok tigpatanto
Mipasaka si Cebu City Councilor Jocelyn Pesquera og ordinansa nga mag-amendar sa kasamtang n'g City Ordinance 2142 o ang Code of Ethics of Cebu City Employees sa tuyo nga mapahamtangan og silot kadtong mga empleyado nga mopahuwam og kwarta sa taas kaayo (usurious) nga interest. Duha y suwab ang maong ordinansa kon maaprobahan: mapakgang ang pagpahimulos sa tigpatanto apan mahimong gamiton sa nangutang ang ordinansa pang-black mail sa tigpatanto aron dili makabayad. Angayan tun-an pag-ayo. Abangaan!