Atubangan sa libolibong katawhang nanambong sa Davao City Candlelight Prayer Rally, Enero 28, 2024, gipabuto ni kanhi Presidente Rodrigo Roa Duterte (PRRD) kining makapakugang kaayong rebelasyon sa mga botanteng mipadaog ni Bongbong Marcos pagka-presidente niadtong 2022 election.
Hinukad gikan sa gisakitan niyang dughan, si PRRD emosiyonal namulong: “Si Bongbong Marcos bangag noon.
Ngayong presidente na, bangag ang ating presidente. May drug addict tayong presidente. Noon ako’y mayor, pinakitaan ako ng evidence ng PDEA. Doon sa listahan, doon ang pangalan mo! Ayaw kong sabihin yan.
Kasi, dahil magkaibigan tayo, o hindi man magkaibigan, magkakilala. Eh, ikaw, eh! Pumapasok ka ng alanganin. Mr. President, baka susunod ka sa dinaanan ng Tatay mo.”
Kining giyagyag ni PRRD mo-match sa hagbay rang gi-expose sa usa ka Boldiyakera Maharlika vlogger, kinsa misaysay nga dugay nang nasayran ni PRRD, nga kini si Bongbong Marcos anaa sa listahan sa narco list.
Pero puwerte kunong hangyo ni Senador Imee Marcos nga dili lamang iapil. Kay paningkamotan ni Sen. Imee nga magbag-o na ang adik niyang igsuon ug hingpit nang mobiya niining maong bisyo.
Busa, request granted. Gihatagag chance si Bongbong. Apan ingon sa napakyas si Sen. Imee. Luyo sa kamahigalaon sa pamilyang Duterte ngadto sa mga Marcos, gikontra-gigukod-gipiit hinuog maayo si PRRD ug VP Inday Sara ni First Lady Liza ug House speaker Martin Romualdez.
Ang mas sakit, kay gusto pang usbon sa Kongreso, pinaagi sa pekeng People’s Initiave ang sagrado natong Konstitusiyon nga matod pa ni PRRD, maoy atoang kaugalingong pinuy-anan.
Nga angayng proteksyonan batok sa mga mapahimuslanon. Ug maoy nakapapugos niya sa pagtug-an-konpirmar, nga si Bongbong, bangag-adik!
Hinuon, dali rang nakapanalipod ang PDEA ni Pangulo Bongbong Marcos (PBBM), kinsa mao mismoy mi-appoint sa ilang head, Director General Moro Virgilio M. Lazo, pinaagi sa pagpagawas og pamahayag, nga wala sa ilang listahan ang ngalang Ferdinand R. Marcos Jr. Kana, sa ilang listahan. Pero sa dokumentong gitipigan ni PRRD?
Kinsa ba kanila ang angay tuohan? Ang kanhi pagpamunoan ni PRRD, kinsa human mosaad nga ‘Change is coming’, change has really come? Or ning pagpangulo ni PBBM, kinsa tapos mipasalig nga ‘sabaysabay tayong babangon muli,’ ang illegal drugs syndicates diay maoy namangon og balik?