Una sa tanan, kining gikan sa internet: “The Universal Social Pension is a tax-financed program that guarantees a standard minimum income in old age. Unlike the current Social Pension Program, it is given not only to indigents, but to all Senior Citizens or at least to those without any pension,” or niadtong walay permanenting kita’.
So, it seems nga dili ko mo-quailfy niini, tungod kay duna man koy gamay nga pension sa SSS. Inyo na lang ni. Ang nakanindot kay alang na kini sa tanang senior citizens, dili alang lamang sa mga indigent seniors.
Sa akong pagtan-aw sa YouTube, naaprobahan na kuno kini sa Presidente, ug ready na for implementation. Nindot, kon mao. Alang niadtong mo-qualify, balig duha ka financial assistance ang madawat, ang gikan sa Cebu City government, ug kining gikan sa national government nga universal social pension, nga nalakip na General Appropriation Act for 2024. Sa ato pa, duna nay gahin alang niining maong katuyoan. Kapin man tingali sa P49 billion ang gi-appropriate.
Dugang niini, naaprobahan sa House ang balaudnon nga magtugot sa mga senior citizens pagbotar usa ka semana sa dili pa ang eleksiyon (early voting). Nindot ni kay dili na kita mahasol sa ato unyang pagbotar.
Lain pa, ang Geriatric Act, diin gilaraw nga magtukod og mga geriatric hospital sa mga region o sa mga lalawiganm. Sa pagkakaron gud, ang nabutang sa RA 9994, mao ra man ang pag-require sa mga government hospitals pag-provide og mga geriatric wards alang sa mga senior citizens.
Ambot kon gituman ba kinI sa mga hospital sa gobiyerno. Sa atong siyudad mismo, ambot kanus-a mahuman ang construction niini? Ug sa mga dfistrict hospitals, most probably wala kini silay igong lugar o ward nga i-provide alang lamang sa mga senior citizens.
Ug niining maong balaudnon, kon ma-aprobahan, ma-aduna na unya kitay kaugalingon nga mga geriatric hospitals. Bisag mga geriatric clinics na lang.
Ug kining Centenarian Act, diin matag lima ka tuig, gikan sa 80 ang edad, madawat ang P25,000, dili sama karon, P5,000 ra ang akong nadawat pag 80 nako. Inig-85 nimo, laing P25,000, Pag-90, P25,000 na pud, hangtud inig-95¸dugang P25,000.
Ug inig-100 nimo, madawat gihapon nimo ang P100,000. Ug duna kionoy bonus, P1-million kon moabut kag-101 years old. Unsaon kaha ni nimo ning kwartaha no? Kining tanan, among others, nagpakita sa mga pagtagad sa atong gobiyerno, nganhi kanatong mga senior citizens. Alang kanila, we deserve it. Wala kita nila pasagdi. At least, ilang gi-recognize, kon unsa man ang atong natampo sa kaugmaran sa atong nasud.
Pahinumdom lang. Aniay significant nga mga objectives sa RA 9994 kon, Expanded Senior Citizens Act of 2010: “To recognize the rights of senior citizens to take their proper place in society and make it a concern of the family, community, and government.
“To give full support to the improvement of the total well-being of the elderly and their full participation in society, considering that senior citizens are integral part of Philippine society.
“To motivate and encourage the senior citizens to contribute to nation building.”