Dear Atty. Divine,
Nagbuwag mi sa akong bana 7- years ago na. Duna mi duha ka anak ug naa nako ang mga bata. Nagpakasal mi sa akong bana attorney when I was only 17 years old. Apan sa among marriage contract ang gibutang didto nga 19 years old nako bisan kun menor de edad pa ko niadtong higayuna.
Pagkakaron pulos na mi naka move-on ug gani aduna na siyay laing partner. Ako sab aduna koy boyfriend nga foreigner ug gusto na unta kaming magpakasal. Ang akong pangutana need pa ba nako nga ipa annul ang among marriage nga klaro man kaayo nga minor de edad ko sa dihang kami nagpapakasal? What about kun adto mi sa abroad magpakasal? Unsay angayan nako nga buhaton? Daghang salamat. -- Lina
Dear Lina,
Basi sa Family Code, usa sa mga requirements sa valid marriage kinahanglan nga both parties anaa na sa legal age, buot ipasabot nga 18 years old pataas. Apan ikaw nagpakasal ka samtang 17 years old ka pa so mamahimong kuwestiyonon ang validity sa imong marriage tungod sa imong edad apan bisan kun aduna pa kay ebedensya nga ikaw nagpakasal samtang minor de edad pa, kinahanglan gihapon kini nimong ipa annul sa korte ang imong marriage.
Ang korte lang ang adunay katungod nga mo annul o modeklarar sa marriage nga void una ka makapakasal og usab. Kun adto ka magpakasal sa abroad posibleng makalusot ka kun di ka pangayuan og Cenomar apan ini’g report sa imong marriage sa PSA mo-appear sa record nga kaduha ka nagpakasal ug basi sa atong balaod, mamahimong void ang second marriage kun kini gipahigayon samtang nag exist pa ang first marriage. Busa aron di mahimong komplikado ang imong sitwasyon mas maayong imo unang ipa annul ang imong first marriage una ka magpakasal og usab. Thank you and God bless. Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.