Dear Atty. Divine,
Duna koy gipaabangan nga apartment sud na sa duha ka tuig. Mi expire na ang among contract niadtong Nobyembre ug ako siyang gipahibawo nga di na nako i-renew ang Contract of Lease kay ako nang gamiton ang property. Apan hangtud karon nagdumili man ang nag-abang sa pag-vacate sa property ug wa na sab siya mobayad sa abang. Unsay angayan nako nga buhaton aron siya mopahawa? Daghang salamat.
Lorna
* * *
Dear Lorna,
Ang una nimong buhaton mao ang pagpadala og demand letter ngadto sa nag abang sa pagbayad sa rental nga wa niya kabayri ug sa pag-vacate sa property. Kun iyang ibalewala ang imong demand letter imo siyang pasakaan og reklamo sa barangay aron kamo magka atubang. Kun di mo ma-areglo sa barangay then mangayo ka og Certificate to File Action og dayon mopasaka ka og kasong Unlawful Detainer ngadto sa Municipal Trial Court diin mahimutang ang imong apartment og ang korte na unya ang momando kaniya sa pagpahawa ug hayan makabayad pa gyud siya og damages tungod sa iyang pagdumili sa pag-vacate sa property. Thank you and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.