Dear Atty. Divine,
Duna koy pangutana labot sa bonus. Matag tuig duna mi 13th Month pay nga madawat gikan sa among company apan di mi hatagan og bonus.
Kaniadto daw mohatag ang among company og bonus aside from the 13th month pay apan kalit lang kining gihunong.
Pagsud nako sa company wa na mi katilaw og bonus. Ang akong pangutana, maka-demand ba mi og bonus sa company gawas sa 13th Month Pay? Daghang salamat.
Shane
* * *
Dear Shane,
Ang ubang company nahimo nang practice ang paghatag og bonus gawas sa 13th Month Pay matag Pasko. So, kun nahimo nang practice and tradition sa company ang paghatag sa maong benefit dili na kini mamahimong ihunong sa company.
Apan sa imo nga kaso, sukad sa imong pagsud sa kompaniya wa gyud ka katilaw og bonus except sa 13th Month Pay busa dili mo maka-demand niini kay ang mandatory lang basi sa balaod mao ang 13th Month Pay nga kinahanglan ihatag sa employer on or before December 24 ngadto sa iyang employees. Thank you and God bless.
Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.