Gustong mobaligya sa iyang share
Dear Atty. Divine,
Ang among ginikanan namatay na 5 years ago. Duna silay property nga gibilin og nakapangan na kini namong tulo ka magsuon.
Gusto unta nako nga ibaligya ang akong share. Wala pa ma subdivide on papers ang property namong tulo, pwede ba ko makabaligya na sa akong share? Daghang Salamat.
Glen
* * *
Dear Glen,
Yes, mamahimo ka nga mobaligya sa imong share basi sa Article 493 sa atong Civil Code nga nagkanayon: “each co-owner shall have the full ownership of his part and of the fruits and benefits pertaining thereto, and he may therefore alienate, assign or mortgage it, even substitute another person in its enjoyment, except when personal rights are involved.
But the effect of the alienation or the mortgage shall be limited to the portion which may be allotted to him in the division upon the termination of the co-ownership.”
Buot ipasabot nga mamahimo kang mobaligya sa imong share provided nga dili mosobra sa imong share ang imong ibaligya og dili makabuot niini ang imong mga igsuon kay imo kining katungod. Thank you and Merry Christmas.
Atty. Divine
* * *
Alang sa inyong pangutana, palihug lang sa pag-email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest
