Pagpamalandong sa Malangkubong kaayohan
Daghan sa mga batan-on kaniadto ug karon ang nahimong interesado sa pakighinabi sa mga espiritu nga sa ilang pagtuo mga kalag sa ilang mga katigulangan. Gitawag kini og seances. Ang maong duwa gitawag sa nagkadaiyang termino sama pananglit sa spirit of the glass, oujia board, Charlie Charlie ug uban pa.
Dunay mga pangutana nga buot ipangutana sa mga niapil sa maong dula ug tubagon kini pinaagi sa paglihok sa baso ngadto sa mga letra nga gigamit sama pananglit sa spirit of the glass.
Ang maong mga espiritu nga dautan nagpaaron nga mga kalag nga nagdala og mensahe ngadto sa mga nahabiling mga kabanay niiini. Ang mga nangapil mamahimong maikag sa pagpadayon labina kun nakuha pud nila ang ilang gusto.
Ang mga dautang espiritu o ang mga demonyo kun makadawat og pagdayeg gikan sa mga tawo ang bation pud og garbo nga tungod niini ilang himoon ang padayong paghatag og mga impormasyon ngadto sa mga apil sa maong duwa sa occult.
Mosamot pa gyud ni pagkakulbahinam kun mahitabo na gyud ang duwa sa mediumship nga maoy boluntaryong pagtugyan sa kaugalingon ngadto sa gahum sa kangitngit.
Atong hinumdoman nga walay kalag nga mosulod sa lawas sa tawo kay walay kalag nga mo possess ang mo possess mao ra gyud ang demonyo busa ayaw gyud
ibutang ang inyong kaugalingon sa makuyaw nga sitwasyon.