Ang paglabay sa mga tinunglong butang

Hinumdomi nga dili kini usa ka matang sa mahika kun atong ilabay ug gub-on ang mga tinunglong mga butang nga nagdala og demalas og kadaut sa atong kinabuhi.

Hinunoa, kalabot kini sa gahum nga anaa sa mga sacramental nga mga butang sama sa mga krusipiho, medalyon ni San Benito.

Hinuon ang maong gahum anaa nagasukad sa imong pagtuo ngadto sa Dios nga nitabang kanato pinaagi ning mga sacramental.

Ning mga butang Sagrado, ang mga demonyo dili buot maduol niini. Gikalisangan nila kini.

Sa laing bahin, mamahimong imong gub-on kining maong mga butang tinunglo pinaagi sa pagpikas, pagbuak, ug uban pang paagi aron sa ingon mahanaw sa hingpit ang karaang porma niini.

Mahimo usab kini nga ilubong aron pagtimaan nga gikalimtan na gyud kini sa hingpit ug nagsimbolo kini sa paghinlo.

Kinhanaglan ang pagkamabinanantayon ug pagkamaampingon sanglit, dleikado kining maong pamaagi.

Pahinumdom nga sa dili ka pa modawat og bisan unsang mga butang gikan ni bisan kinsang tawo, seguroha ug sayri ang gigikanan niini sanglit ang pagdaghag usahay maoy magdala kanato ngadto sa dili maayong linugdangan.

Dugang pa, mas makahuloganon nga magmaampoon ka ug pabilin diha sa presensiya sa Dios aron mahilayo ka sa tanang mga disgrasya.