Financing

Dear Atty. Divine,

Ang akong amiga nangutang sa financing ug ako ang nagsilbing guarantor.

Ang iyang utang payable for 2 years apan ang iyang nabayran katunga ra og naa pa siyay bayrunon nga katunga plus interest.

Karon nakadawat ko og demand letter gikan sa financing ug ako ang gipaninglan sa utang sa akong amiga.

Ang akong pangutana kun mapugos ba ko sa pagbayad sa utang sa akong amiga nga guarantor ra man ko? Daghang salamat.

Relyn

* * *

Dear Relyn,

Basi sa Article 2058 sa atong Civil Code ug sa mga desisyon sa Korte Suprema,  ang  guarantor dili mahimong mapugos sa pagbayad sa utang sa debtor ngadto sa creditor gawas lang kun gihimo na sa creditor ang tanan paggukod sa debtor lakip na sa iyang mga kabtangan ug wa gyud kini ikabayad then that's the time nga pwede nang mapaninglan ang guarantor. Buot ipasabot nga ang giutangan kinahanglan nga iya unang himoon ang tanang legal remedies lakip na ang paggukod sa  kabtangan sa imong amiga nga maoy nangutang una siya makapugos kanimo isip guarantor sa pagbayad sa iyang nahibilin nga utang.

Busa kun di kabayad imong amiga ila una nga gukdon ang mga kabtangan niini una sila makagukod nimo as guarantor. Thank you and God bless!

Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules,Sabado ug Domingo.