AI hulga sa mga mamumuo

Nakakuha og nagkalain-laing reaksiyon ang gimugna nga sportscast sa giganting TV Network sa nasud nga GMA 7 gamit ang Artificial Intelligence o AI.

Sa paggamit sa AI adunay wala makauyon ug aduna usab nakauyon niini. Ang rason sa wala mouyon mao nga hulga kini sa panginabuhi sa mga anak sa singot. Samtang ang mga miuyon miingon nga maayo kini alang sa epektibo ug paspas nga trabaho.

Unsa man diay kining “AI”? Ang AI usa kini ka sistema nga nakabasi sa makina nga makainpluwensiya sa palibot pinaagi sa pagmugna og resulta sama sa panagna, rekomendasyon o hukom sa gihatag nga hugpong nga tumong.

Ang AI migamit kini og makina o datus ug inputs nga hinipos sa tawo alang sa pagsabot sa tinuod o makita nga palibot; pagkuha niining maong pagsabot isip modelo pinaagi sa pag analisar sa awtomatik nga pamaagi o kinamot o pag gamit sa model inference sa pagmugna og kapilian para sa resulta. Ang AI nga sistema gidesinyo sa pagpadagan og lain-laing lebelo sa awtonomiya, matud pa sa OECD 2019.

Ang AI usa ka paspas nga teknolohiya nga adunay dako nga potensiyal nga maghimo sa mga anak sa singot nga mas produktibo, nga maghimo sa mga kompanya nga mas epektibo ug makapataas sa paghimo og bagong mga produkto o serbisyo. Sa samang higayon, ang AI puwede usab nga magamit sa paghimong awtomatk sa mga trabaho ug makamugns og dili patas nga kahimtang nga makahimo og diskriminasyon sa mga anak sa singot.

Samtang ang nangaging mga nag-una nga teknolohiya sa awtomasyon nakaapekto lamang sa mga balik-balik (routine) nga trabaho, ang AI aduna kini potensiyal nga mo-awtomatik na sa mga dili balik-balik ( nonroutine) nga trabaho nga mag abli sa hugpong sa mga trabahante sa potensyal nga pagkabalda.

Ang AI adunay potensiyal sa pagdugang sa produktibo, paghimo og bag-ong mga trabaho, ug pagpataas sa mga sumbanan sa kinabuhi. Bisan pa, pinaagi sa kinaiya niini sa paghimo sa dili naandan nga mga bulohaton nga kaniadto gihunahuna nga estrikto nga dominyo sa mgat tawo, ang AI lagmit nga makabalda sa daghang mga trabaho ug bulohaton.

Ang pangutana, hulga ba sa panginabuhi sa mga anak sa singot ang AI? Ambot lang!