Maayong balita
Atong nakita dinhi sa Ebanghelyo ang pangutana ni Pedro kun makapila ba gyud kinahanglang pasayloon ang iyang isig ka tawo? Makapito ba? Ang numero 7 usa ka numero nga hingpit kun perfect. Apan ang tubag ni Jesus dili lang kay makapito ra kondili kapitoan kapito gyud! Dugang niini gisugyot ni Jesus ang proseso kun unsaon pagpasaylo ang tawo nga nakasala kanato. Ang unang ang ang mao man ang pagtawag sa hingtungdan ug paamgohon siya sa iyang dakong sayop apan buhaton kini diha sa mas pribado nga pamaagi. Kondili siya maminaw kinahanglang magdala og mga saksi aron kamapamatud-an atubangan sa mga pangulo sa simbahan nga maoy mohusay niini. Kon dili gihapon siya maminaw ang ikatulong ang ang maoy himoon diin pagaisipon siya nga usa ka makasasala o kobrador sa buhis. Sa laktod nga pagkasulti, gipapahawa siya diha sa landong sa simbahan kun ekskomomunikado siya gikan sa Simbahan sama usa ka langyaw.
Kasinatian
Dili pa lang dugay nahitabo ang kontrebersiya kalabot atong drag artist nga si Pura Luka Vega gumikan sa pagbugal bugal ug pagpasipala niini sa atong Sagradong Pag-Ampo sa Amahan Namo. Dugang pa niini, iyang gihimoan og review ang Ostiya diin ang nakakulit nga IHS kun Iesus Hominem Salvator kun Jesus Savior of Humanity iyang ginganlan og International High School ang nakaani og kasuko sa daghang mga tawo nga tungod niini gideklarar siyang persona non grata. Apan bisan pa man niini pabiling tig-a ang kasingkasing ning maong bayot nga si Pura Luka Vega. Bisan pa man sa maong pagpanamastamas ang simbahan padayong nag-ampo alang sa iyang pagkakabig. Andam ug tagana ang kumpisalan kun ugaling siya manginahanglan niini.
Lihok
I ampo ang mga tawo nga nakapasakit nimo ug sila nga imong napasakitan
Pag-ampo
Tanan: Ginoo kaloy-I intawon ako nga usa ka makasasala. Nagkinahanglan ako sa imong grasya. Nagkinahanglan ko sa imong kalooy. Nagkinahanglan ko sa imong gugma. Intawon pasayloa ako nga huyang ug walay mahimo kun wala ikaw Ginoo. Amen.