Pito ka balaod sa kinabuhi

1. Pahiyom. Dunay kini nindot nga epekto sa kaulahian. Luoy ang tawo nga walay pahiyom. Pahiyom kay makatabang kini aron mamahimong gaan ang imong buot.

2. Paghimo og kaayo ngadto sa uban. kun unsay imong gitanom mao man ang imong pagaanihon.

Bisan pa man kun dili sila mobawos nimo apan hinumdomi nga ang buhat nga maayo pagpakita lamang kun unsa kang matanga sa pagkatawo.

3. Ayaw og hunong. Padayon sa gihapon bisan pa man sa mga pagsulay. mahimong mopahuway apan dili mohunong o moundang.

4. Ayaw itandi ang imong kaugalingon ngadto sa uban. lahin ka nila, lahi sila nimo.

5. Likayi ang bisan unsang negatibo, dili kini makatabang nimo.

6. Pakighiuli sa imong kagahapon. Malisod ang pagpuyo sa kasamtangan labaw na sa ugma kun dili ka maantigong mopasaylo ug modawat sa imong kagahapon.

7. Atimana ang imong lawas, kalag ug hunahuna. Mag-unsa man ang tumang paningkamot kun mamahimo ka lamang magmasakiton.

Kun atong langkobon, angayan lamang nga kita magmalipayon sanglit kausa lamang kita moagi ning kinabuhia.