Bida sad uy, ka layo pa sa 2025, nagsige na man sila og survey kinsa ang posibleng molansar pagka-senador sa 2025 mid-term elections.
Ang mga ngalan ra ba nga milutaw sa maong mga survey, mao lang gihapon, as if waa nay laing qualified nga moalagad sa lungsod, gawas kanila. Ang uban pud, mga recycled.
Dili mosugot nga lain o bag-o na usab nga mga personalities ang ibutang sa helm sa pagpangagamhanan.
Unya, atong mamatikdan, segun sa source sa balita, silang tanan pulos number one sa survey. Of course, kon popular kang daan, ma-number one gyud ka, o number two, or at least, masulod sa Top Five.
Ug kon kugihan kaayo ang imong press and public relations officer, o ang tigpamaba mismo, di gyud ka mangiwit sa mga survey.
Mao nga pinasikad sa resulta sa mga survey, ang mga hopefuls, mohukom na lang nga molansar na lang gayud kay tin-aw na ang kadaugan.
Hinuon, on the other hand, nalipay kita nga dinhi sa atong nasud, daghan ang mag-inilogay pagpapili aron moalagad sa lungsod.
That’s patriotism and nationalism, if not heroism. Dili baya tiaw ang magpaka-public servant ka. Mao kini ang mga 24/7 nga matang sa suloguon nga mahimong pukawon bisan sa tungang gabii.
Ang Art. XI, Sec. 1 sa 1987 natong Constitution, nagkanayon: “Public office is a public trust. Public officers and employees must, at all times, be accountable to the people, serve them with utmost responsibility, integrity, loyalty, and efficiency; act with patriotism and justice, and lead modest lives.”
Ikaw, as a government employee, usa ka clerk, janitor, o garbage collector, ingon ba niini ang matang sa imong pag-alagad sa lungsod?
Pangutana gikan sa internet: “How do you become a professional public servant?” Niay lista sa mga most common skills nga gikinahanglan sa mga public servants, pahiuyon sa matang sa trabaho nga sila gikinahanglan: 1. Communication. 2. Collaborative leadership. 3. Empathy. 4. Honesty. 5.Creativity.
6. Critical thinking. 7. Patience. 8. Political awareness.
As a public servant, ma-elected ka man o dili, sangkap ka ba niining maong mga skills ug mga hiyas? O igo ka lang nagpasinaw sa imomg lingkoranan.
Laing pangutana gikan sa internet? “How should a public servant act?” Ang mga public officials ug mga empleyado sa gobiyerno, “must, at all times, be accountable to the people, serve them with utmost responsibility, integrity, loyalty, and efficiency; act with patriotism and justice, and lead modest lives.”
Again, mao ba kini ikaw isip suloguon sa lungsod? Kugihan ug dili mag-usik-usik sa panahon? Mga ethics (moral standards, moral code, rules of conduct) sa usa ka public servant: “Justness and sincerity and not to discriminate against anyone, especially the poor and the underprivileged.
To respect the rights of others at all times and to refrain from doing acts contrary to law, morals or customs. Not to extend undue favor to relatives on account of one's office.”
Klaro, di ba? Among others, ayaw gyud pag-discriminate batok sa uban, labi na ngadto sa mga kabus.
Kon buot hunahunaon, dili baya lalim ang pagka-public servant. Apan, nganong hayahay man kaayo ang uban diha?