Daghanan nato karon ang buot mabusog dili lang sa mga lamiang pagkaon kondili sa bisan unsa nga makahatag kanato og katagbawang lawasnon, pagbati ug espirituhanon.
Apan luyo ning tanan, padayon gihapon nga dunay kulang bisan pa man sa naghinobrang mga butang nga atong naangkon. Ang bisan unsang sobra makadaut.
Ang pagpusa usa ka paagi aron mamahimong ma detoxify ang atong lawas gikan sa mga toxins nga naghatag og sakit alang kanato.
Dugang pa ang pagpuasa usa man ka paagi usab sa pagpitol sa atong kahilig nga nakapalayo nato gikan sa Dios.
Ang naghinobrang kapritso nga lawasnon usahay mamahimong ganghaan sa impluwensiya sa demonyo.
Sa laing bahin, ang pagpuasa dunay implikasyon nga katilingbanon ug kini nagasabot nga ang imong giandam ang bahin alang nimo aron sa uban makatabang usab.
Nga dili diay sa tanang panahon kita magpakabusog hinunoa makahuloganon nga kita gutomon aron uban maluwas sa kapit-os.
Mga ginagmay nga tampo paningkamot aron kanato mopanton sa atong pagpatuyang ug mamahimong kahimanan usab sa atong pagkabalaan.