Wa tumana ang kondisyon sa pag donate sa property

Dear Atty. Divine,

Adunay yuta nga gidonar ang among mga ginikanan sa among barangay. Ang purpose sa maong pagdonar sa yuta aron matukuran og Health Center ug Day Care Center. Apan hangtud karon 15 na ka tuig ang nakalabay gikan sa pagdonar wa pa man gihapon kini tukuri og Health Center ug Day Care center sa barangay. Ang plano sa kapitan nga ila  kining himoan og mga stalls ug paabangan. Ang among pangutana kun pwede ba mabawi namong mga anak  ang yuta nga gidonar sa among mga ginikanan kay wa man nila tumana ang mga kondisyon niini? Unsay may among buhaton? Daghang salamat. -- Rosa

Dear Rosa,

Basi sa balaod, ang donation mamahimo nga i revoked kun dili tumanon sa donee ang mga kondisyon nga gihatag sa donor. Basi sa New Civil Code of the Philippines, Arcticle 764, kini nagkanayon: “The donation shall be revoked at the instance of the donor, when the donee fails to comply with any of the conditions which the former imposed upon the latter. Xxx. This action shall prescribe after four years from the non-compliance with the condition, may be transmitted to the heirs of the donor and may be exercised against the donee’s heirs.” Sa ato pa, ang donor o ang mga heir adunay upat ka tuig sa paghimo og lakang gikan sa wa pagtuman sa donee sa kondisyon sa donation aron  pagbawi sa donor o sa iyang mga heir sa maong property. Ang maayo ninyong buhaton karon mao ang pagdangop sa korte aron inyong ipa-revoked ang Deed of Donation ug bawion ang property tungod sa ilang pagkapakyas pagtuman sa kondisyon og gumikan sa ilang tinguha nga paabangan na hinuon ang yuta nga gidonar sa imong mga ginkanan. Thank you and God bless. -- Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.