Namatay ang bana samtang pending pa ang annulment case

Dear Atty. Divine,

Nag-file ko og Annulment of Marriage last year ug pending pa ang kaso sa korte. Nagbuwag mi sa akong bana 5-years ago kay battered woman man ko ug di na nako maagwanta ang iyang batasan ug ang iyang physical abuses nga gihimo diri nako.

Karong bag-o gitawgan ko sa kompaniya nga iyang gitrabahoan sa Manila kay namatay ang akong bana human giatake sa kasing-kasing. Ang akong pangutana, unsay mahitabo sa akong kaso? Aduna pa ba koy katungod sa iyang benefits? Daghang salamat.

Linda

* * *

Dear Linda,

Kun patay na ang imong bana then di na kinahanglan nga imo pang ipadayon ang imong annulment case. Kini tungod kay ang pagkamatay sa imong bana miresulta sab kini sa pagka extinguish sa inyong kaminyuon.

Mas maayo nga imong sultian ang imong abogado aron iyang mapahibawo ang korte  sa kamatayon sa respondent ug aron iyang ma-withdraw ang imong kaso tungod sa kamatayon sa imong bana.

Kalabot sa mga benefits sa imong bana, duna kay katungod niini isip asawa lakip na ang inyong mga anak kay bisan tuod kun nagbuwag na mo apan wa pa man ma annul sa korte ang inyong kaminyuon. Busa ikaw ang adunay  katungod nga mo process og modawat sa iyang benefits uban sa inyong mga anak. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.