Pangutana labot sa akong apo

Dear Atty. Divine,

Duna koy pangutana labot sa akong apo. Ang akong anak nga lalaki adunay illegitimate child. Apan karon naminyo na ang inahan sa bata ug aduna na sab kini laing anak. Gusto unta sa akong anak nga kuhaon ang custody sa bata. Nagsuporta ang akong anak sa bata sukad sa pagkatawo niini hangtud karon. Nagtuo sab ko nga mas makahatag og maayong edukasyon sa bata ang akong anak kay atua man siya magtrabaho sa gawas sa nasud. Mamahimo bang kuhaon sa akong anak ang custody sa bata? Daghang Salamat. — Claire

Dear Claire,

Basi sa balaod, ang custody sa illegitimate child adto sa iyang inahan. Apan mamahimo siyang mogamit sa apelyido sa amahan ug entitled sab siya og support gikan sa iyang biological father. Kun naminyo na og lain ang inahan sa bata wa kini magpasabot nga pwede na nga kuhaon sa amahan ang custody sa bata gawas lang kun boluntaryong mosugot niini ang inahan mismo sa bata. Ang maayong buhaton sa imong anak mao ang pagsuway og hangyo sa inahan sa bata kun mosugot ba nga siya ang mopadako og mopa-eskwela sa bata ug siya ang mo custody niini. Kun dili mosugot and inahan, kutob ra gyud sa visitation rights ang imong anak gawas lang kon aduna siyay legal ground sa pag-custody sa bata sama sa pagmaltrato, gi abandon ang bata og uban pang bug-at nga hinungdan aron iyang makuha ang custody sa bata pinaagi sa korte. Thank you and God bless.

Atty. Divine

Alang sa inyong pangutana, palihug lang sa pag email sa [email protected], ug akong tubagon ang inyong pangutana pinaagi sa akong column matag Miyerkules, Sabado ug Domingo.