Wa magkasinabot ang mga igsuon sa pagbaligya sa sinunod nga property

Dear Atty. Divine,

Duna mi house and lot nga na-inherit gikan sa among mga ginikanan. Upat mi ka magsuon ug titulado ang maong property. Wa pa namo na-process ang pagbalhin sa title sa maong house and lot  ug wa pa sab namo mabayri ang Estate Tax . Karon ang duha nako nga magsuon gusto nga ibaligya nalang namo ang maong property ug bahinon ang halin. Apan misupak ko niini ug ang usa nako ka igsuon kay hinaguan biya na sa among ginikanan. Unsa may angayan nako nga buhaton aron mapugngan ang pagbaligya niini? Daghang salamat.  — Linda

* * *

Dear Linda,

Kamong upat considered mo nga co-owners sa maong property  busa pulos mo dunay katungod niini. Ang problema lang kay di ninyo mahimong i-subdivide ang property ilabi na ang balay. So ang inyong option mao ang pagbaligya niini ug inyong bahinon in equal share ang halin ug kun di ka gusto nga mapunta sa lain ang  house and lot then duna kay option sa pagpalit niini. So imong bayran ang imong mga igsuon sa  ilang share ug mo execute mo og Extrajudicial Partition with Sale aron imong ma-transfer ang  property ngadto na sa imong name after na sa imong pagbayad og Estate Tax, Capital Gains Tax ug Documentary Stamp Tax so solo mo na unya nga mapanag-iya ang property. Thank you and God bless. — Atty. Divine

* * *

Alang sa inyong pangutana, ipadala lang sa Legal Cornersa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.