Dear Atty. Divine,
Ang ginikanan sa akong live-in partner, 33 ka tuig na nga saup. Apan ang maong yuta gihimong collateral sa usa ka kooperatiba dinhi sa among lugar.
Wa mabayri ang utang ug naembargo ang yuta sa cooperative.
Apan aron malukat pagbalik ang yuta gikan sa cooperative, gibaligya sa tag-iya ang yuta. Unya karon hatagan ra og 20 mil pesos ang ginikanan sa akong kapuyo isip bayad sa ilang pagka sa-up. Angayan ba nilang dawaton ang 20 mil pesos? Aduna ba silay katungod nga magpabilin sa maong yuta kun dili nila dawaton ang offer sa tag-iya? Daghang salamat.
Rhea
* * *
Dear Rhea,
Basi sa balaod, ang mga saup adunay security of tenure, buot ipasabot nga dili kini basta-basta nga mapapahawa bisan pa kun ibaligya ang yuta nga ilang gisaupan. Busa, mamahimo nga dili dawaton sa ginikanan sa imong kapuyo ang 20 mil pesos nga offer aron magpabilin siya sa pagka sa-up. Ang 20 mil pesos nga tanyag bugti sa ilang pagka sa-up sud sa 33 ka tuig dili makatarunganon. Kun pugson gyud sila sa pagpapahawa sa tag-iya, mamahimo silang mopasaka og reklamo ngadto sa Department of Agrarian Reform kon DAR ug ang maong ahensya mao na ang mo settle sa maong issue. Thank you and God bless. — Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.