Ang iyang pagtuo

Gidapit ko aron pagahimoon ang house blessing and deliverance sa panimalay sa mga Gedorio. Gipanag-iya kini nil ani Narciso ug Evelinita Gedorio mga magtiayon nga ni ritero na sa panarbaho.

Wala silay anak apan daghan pud sila og gitabangan. Nindot kaayo ang maong panagtagbo.

Duna koy nakat-onan gikan nila. Apil na niini ang giingon ni Mam Evelinita:

“Nagtuo ako nga ang kwarta o hinabang sa uban nga akong nahatag mao nga kadtong kwartaha ilaha gyud gikan sa Ginoo nahimo lamang akong kasangkapan alang niini.”

Sa akong pagpamalandong akong nakita nga kining maong magtiayon bisan pa man kun sila adunahan apan wala nila isipa nga ang bahandi ilaha. Mapinanggaon sila sa mga kabataan ug alang nila kuwang kaayo ang Dominggo kun dili sila makasimba.

Pamatuod lamang kini nga nahimo gihapong priority ang Ginoo bisan pa man kun diha sa ilang pagpangangkon nga dili sila kaayo mga relihiyoso. Sa laing bahin deboto pud sila ni San Antonio de Padua.

Mahinungdnaon kaayo nga angkunon nato ang atong pagkakabus atubangan sa Dios.

Ang pagkaalinggat nga dili diay kita ang tag-iya sa bisan unsa nga atong nahuptan dako man og kahimoan aron mamahimo kitang manggihatagon sa uban.

Matud pang Mam nga daghang mga adunahan ang naglibog na kun unsaon paggasto ang ilang salapi apan nahikalimot sa paghunahuna nga dunay mas nagkinahanglan. Usik ang kwarta kun gastohon lang sa way hinungdang binuhatan.