Dear Atty. Divine,
Ang akong amiga giutangan og kwarta sa iyang kaila kay ipuhunan kuno og water refilling station.
Ang iyang giutang P500,000.00 ug payable for 2 years ug basi sa ilang kasabutan, magbayad og binuwan ang nangutang kaniya.
Pagsugod, mibayad pa siya but karon tulo na ka buwan nga wa mobayad.
Iyang gitawagan di na makontak. Unsay angayang buhaton sa akong amiga aron siya mabayran sa maong utang? Daghang salamat.
Jessica
* * *
Dear Jessica,
Ang una niyang buhaton mao ang pag padala og demand letter ngadto sa nangutang kaniya. Kun dili gihapon kini mobayad, mamahimo niyang pasakaan og reklamo sa barangay diin nagpuyo ang nangutang kaniya.
Kun di gihapon sila ma settle sa barangay, mamahimo siyang mopasaka og kaso ngadto sa korte alang sa pagkolekta sa maong utang.
Atul sa hearing sa korte kinahanglan siyang mopresentar og ebindensya nga mopamatuod sa utang aron siya paboran sa korte. Thank you and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.