Dear Atty. Divine,
Dugay nako nga nag antos sa akong bana nga mi-abuso nako physically ug emotionally. Karong bag-o wa na gyud ko ka agwanta ug ako na gyung gibiyaan ang akong bana. Mismo ang akong mga anak mao na gyuy mi-apura nako sa pagbiya kay sila mismo nakasaksi kun giunsa ko sa pagmaltrato sa akong bana labi na og mahubog. Gusto unta nako Atty. Divine nga mamahimong legal ang among panagbuwag, mamahimo ba kong mo file og annulment? Daghang salamat. — Susan
Dear Susan,
Ang pagpangabuso dili igong kabasihan sa Annulment. Kun ang imong ground mao ang Article 36 sa atong Family Code, kinahanglan gyud ka og lig- on nga ebidensya og mopalig-on sa imong kaso piinaagi sa mga testigo. Kini tungod sa labing uwahing desisyon sa Korte Suprema labot sa Annulment of marriage nga diin kinahanglan iprobar gyud sa korte og unsay root cause nganong ang imong kapikas napakyas sa pag-comply sa iyang essential marital obligation. Ang mga testigo nga ipresentar kinahanglan gyud nga nakaila sa imong kapikas gikan sa iyang pagkabata hangtud sa iyang pagka ulitawo. Busa ang maayo nimong buhaton mao ang pagduol og abogado aron iyang ma evaluate ang imong kaso kun duna ba kay igong basihan sa pagpasaka og Annulment. Thank you and God bless.
Atty. Divine
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.