Dear Atty. Divine,
Ang akong amiga gusto nang magminyo. Apan ang iyang boyfriend nga gustong mangasawa niya wa kagustuhi sa iyang parents. Kini maoy hinungdan nga wa niya sultii ang iyang parents nga magminyo na sila. Ang akong pangutana kun mamahimo bang legal ang ilang kaminyuon bisan kun way pagtugot sa ilang ginikanan ang ilang pagpakasal? Daghang salamat.
Mae
* * *
Dear Mae,
Basi sa Article 5 sa atong Family Code, ang si bisan kinsa nga nagpangidaron og 18 anyos pataas nga way kabilinggan nga magminyo mamahimo nga magpakasal. Apan ang atong balaod adunay additional requirements kun ang gustong magpakasal nagpangidaron pa lang og 18 anyos ngadto na sa 21 anyos. Basi sa Art. 14 sa atong Family Code gikinahanglan ang Parental Consent sa mga ginikanan o guardian alang sa mga gustong magminyo nga nagpangidaron pa lang og 18 anyos ngadto na sa 21 anyos pinaagi sa personal nga pag appear niini sa Civil Registrar o pinaagi sa pag execute og Affidavit. Sa kaso sa imong amiga magdepende kini kun pila ilang edad kay kun between 18 to 21 years old pa ilang pangidaron then gikinahangpan gyud ang consent sa ilang mga ginikanan or else mamahimong depektuso ang ilang marriage ug pwede kini kabasihan sa pagpa annul sa ilang kaminyuon basi sa Article 45 (1) og Art. 47 (1) sa atong Family Code. Thank you and God bless.
Atty. Divine
* * *
Alang sa inyong pangutana, palihug lang sa pag email sa flores_ divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.