Kun walay luna ang pag-ampo
Tungod sa nahitabong pagtuyhakaw sa mga nagkadaiyang mga teknolohiya ang mga tawo nahimong busy sa mga butang teknikal. Gani subo palandungon nga daghang mga pamilya karon ang hilom kaayo sa talad kan-anan kay isi, tan-aw sa ilang mga cell phones. Ning maong mga cellphones nahimo silang duol ngadto sa mga tawo nga atua sa halayo apan nahimo silang halayo sa mga tawo nga ilang gikatupad. Kamatuoran kini nga diha mismo sa panimalay dili na kaayo magka estoryahanay ang matag usa. Samot na gyud sa natad sa pag-ampo.
Kaniadto nga sa wala pay gadgets matag gabii ang matag pamilya ang nahimong magkauban gayud diha sa pag-ampo. Anaa ang pagrosaryo ug nahimong focus ang tanan bisan sa unsang mga butang nga dunay kalambigitan sa Ginoo. Apan lahi karon, daghan sa mga tawo ang wala nag ani halos panahon sa Ginoo. Ang rason busy.
Mao ni ang panlantaw ni Bishop Fulton Sheen nga ang mahitungod sa Dios ang mamahimo naman hinoong usa ka idelohiya. Ang kaparian mamahimong daw sama samga social workers ug ang pag-ampo ang mamahimong pakapin sa kinabuhing espirituhanon. Daghan na ang idli ganahang mosimba kinit ungod kay alang nila mahimong moatubang na lang sa ilang tagsa tagsa ka mga celllphones aron adto didto mosimba. Ang pandemic maoy angay nga mabasol ning tanan.
Kun anaa lang gyud ang pag-ampo makahuloganon ang pagpuyo, kay mag-unsa man natuod ang imong kabtangan daghan apan pilde ang imong kalag.