Katekesis No. 73 Ang Sto. Nino dili Patron

Bisan pa man kun gitawag nato ang Balaang Bata ingon nga Sto. Nino apan wala kini magpasabot nga gisud-ong nato siya ingon nga Santos.

Ang Santo nagpasabot og Holy ug ang Niño nagpasabot og Bata. Balaang Bata ang hubad kun buot hunahunaon.

Gisud-ong nato siya ingon nga Dios ug sa tinuoray lang ato siyang gisimba.

Patron. Kun moingon kita og patron mamahimong sud-ongon nato kini ingon nga tigpataliwala (Intercessor) ingon man tighatag (provider) ang tigpataliwala sama sa mga santos mao man nga mosangpit kita ngadto sa Dios pinaagi sa tabang sa usa ka Santos aron kita kaluy-an sa Dios.

Sa ato pa ang usa ka santos mao sila kadtong sangpiton nato aron tabangan kita sa Dios sanglit nagtuo man kita nga sila duol sa Dios ug mas dunggon ang ilang pangilaba alang kanato. Sama gud na sa usa ka tawo nga mo-apply sa posisyon.

Dili Ikalimod nga ang ilang mga Ninong o Ninang ila usab nga patron tungod kay ang mga nahisgotan mao man ang mamaba alang kanila.

Sa pagkakaron kinahanglanon gyud ang backer matud pa. Mao na ang patron.

Sa laing bahin ang patron mao kadtong mga tawo nga mohatag kun mo provide sa mga panginahanglan sa ilang mga tinabangan. Sama gud panahon sa fiesta duna kitay duolon aron motabang kanato sa mga galastuhan ug uban pa.

Ang Sto. Nino sabton nato nga nitabang kanato panahon sa atong mga panginahanglan. Dili siya patron apan siya ang kanato motabang sa kanunay. Dili siya patron apan sa kanunay naminaw sa atong mga yangongo.

Siya ang atong Ginoo diha sa bayhon sa usa ka yanong bata. Siya ang atong Nino nga mas labaw pa kagamhanan kaysa atong mga suliran. Viva Pit Senyor!