Ang Sagrada Familia

Ang katilingban dili mamahimong katilingban kun wala ang mga pamilya. Ang katilingban mao man ang salamin sa mga pamilya nga nagpalibot niini. Ang Sagrada Familia nilang Jesus, Maria ug Jose Kining maong banay kun pamilya mao gyud ang sukaranan sa tanang mga pamilya ning atong kalibotan. Sukaranan nga lisod sundon. Sukaranan nga hangtud karon padayong nahimong sukaranan apan wala sunda sa kadaghanan.

Ning atong kapanahonan karon atong nakita kining mga mosunod:

1.   Daghang mga tawo ang dili buot og anak. Mas maayo pa alang kanila ang magbuhi og iro ug uban pang giisip nilang pets. Kinit ungod kay alang sa ubang mga tawo ang pagbuhi og bata o anak usa man ka dakong disturbo, dugang pa, gasto.

2.   Dunay mga managtiayon na pud karong panahona nga tungod sa ilang kahimtang ug sexual preference imposible ang pagpanganak.

3.   Dunay mga magtiayon nga gumikan sa trauma sa ilang tagsatagsa ka mga pamilya nahimong mahadlok nga mamahimong mga ginikanan.

4.   Daghan sab ang nagtuo  nga ang overpopulation mao gyud kuno ang hinungdan sa daghang mga suliran.

5.   Dunay uban nga dili gusto og pamilya labina kun ang mga sakop niini nahimong babag sa bisan unsang gusto nga himoon. Dunay mga tawo nga buot lang gyud mag-inusara.

Ang Sagrada Familia nagtudlo kanato nga:

1.   Matag tawo gipahimugso diha sa usa ka banay nga maoy unang katilingban.

2.   Si Jesu-Kristo bisan siya Dios ang giatiman ni Jose ug gibuhi niya pinaagi sa iyang pagpamanday.

3.   Matag ginikanan dako kaayo og kahimoan sa matang sa tawo nga mahitabo ang ilang mga anak.

4.   Ang banay mahinungdanon busa angayan lamang nga atimanon.

5.   Ang banay sagrado angayan lamang nga kini himooong unang tisokanan sa bokasyon.

Atong hinumdoman ang balaanong katilingban mahitabo kun balaanon ang matag panimalay. Maayong Pasko!