Nobiyembre 20, 2022
Mga Pagbasa: 2 Sam. 5;1-3/Sal. 122/Col. 1;12-20/Lk. 23; 35-43
HINUMDOMI INTAWON AKO….
Maayong Balita
Ang paglansang sa Krus kun Crucifixion matud pa nagsugod diha sa mga taga Assyria ug mga taga Babylonia. Gigamit usab kini sa taga Persia niadtong ikaunom nga siglo. Gidala kini Alexander the Great ngadto sa eastern MIdetarranean countries. Sa laing bahin, ang mga Phoenicians nipaila niini ngadto sa mga Romanhon niadtong 3rd Century B.C.
Gigamit kini ingon nga capital punishment diin ang biktima ilansang sa wooden beam (horizontal part) sa krus hangtud siya mamatay. Sa dihang nilingkod si Emperador Constantino niadtong 4th Century A.D. giwagtang kining maong pamaagi sa pagsilot agig pagtahud kang Kristo Jesus nga gilansang sa Krus. Si Constantino mao ang usa ka Kristohanong Emperador nga anak ni Rayna Elena ang reyna nga nangita sa tinuod nga Krus nga gilansangan ni Kristo didto sa Jerusalem.
Kasinatian
Matag katapusang Dominggo sa atong liturhikanhong kalendaryo, saulogon nato ang pangilin ni Kristong Hari. Nagsugod kini niadtong tuig 1925 diin si Papa Pio XI ang nipakanaog og sulat encyclical QUAS PRIMAS o in the First agig pag-asdang sa sekularismo ug atiyesmo niadtong panahona.
Alang kaniya kun ihawa ang balaod ug pagtulon-an ni Kristo gikan sa katawhan mao kini ang sinugdanan sa kalaglagan ug kawalay kapaingnan. Kun ang mga pangulo sa mga pangamhanang sibil mahanaw ang Ginoong Jesu-Kristo magpabiling Hari hangtud sa Kahangturan. “Si Kristo ang kamatuoran ug gikan kaniya ang tuburan sa kamatuoran ang katawhan kinahanglang mosunod kaniya!” (cf. Quas Primas no. 7)
Apan atong nakita ang atong Ginoong Jesu-Kristo nga nagdupa sa krus ug walay nahimo aron santaon o babagan ang nipasipala kaniya.
Gawas sa nag-antos nga inahan bugtong ang kawatan lamang si Dimas ang nidawat sa iyang pagkahari sa pag-ingon niini: “Hinumdomi intawon ako kun Maghari ka Na!” ug ang maguwang sa hagawhaw nga saad: “Sukad karong adlawa, kuyog ka Kanako sa Paraiso!”
Lihok
1. Sud-onga ang Krus. Pasalamati ang Ginoo diha sa imong pag-ingon: “Salamat Ginoo bisan ako masalaypon apan nagpakamatay ka alang Kanako! Giula nimo ang imong dugo aron ako maluwas! Unta sama nimo ang kadautan pagbaslan gihapon og kaayo! Sa krus diin ikaw napukan sa karaang kaaway, sa maong kahoy sa krus gibuntog mo ang kaaway pinaagi sa imong pagkamasinugtanon sa Amahan!
2. Dili nato ikaulaw si Kristong atong Hari. Ang pagpanguros sa dapit nga dayag timailhan lamang nga gihigugma nato ang Hari nga gilansang niini.
Pangamuyo
Christus Vincit! Christus Regnat! Christus! Christus Imperat! (3x)