Adoption

Dear Atty. Divine,

Aduna koy anak sa pagkadalaga nga three (3) years old na. Gi-acknowledge ang maong bata sa iyang amahan apan sukad ko naminyo wa na mosuporta ang amahan sa akong illegitimate nga anak hinungdan nga ang akong bana ang nagsuporta sa tanan namo nga panginahanglan.

Wa pa mi anak karon sa akong bana ug gusto sa akong bana nga sagupon ang akong illegitimate nga anak kay siya man sab ang giisip nga papa niini. Ang akong pangutana kun mamahimo ba nga sagupon sa akong bana ang bata? Unsay maayo namo nga buhaton aron matuman ang adoption? Daghang salamat.

Lenny

* * *

Dear Lenny,

Yes, mamahimong sagupon ang imong illegitimate child sa imong bana basi sa RA 8552 kon Domestic Adoption Act of 1998. Apan kinahanglan nga imong makuha ang pagtugot gikan sa biological father sa bata pinaagi sa pagpapirma kaniya og Affidavit of Consent.

Basi sa mga nahaunang desisyon sa Korte Suprema kini nagkanayon nga ang consent sa biological parents sa bata gikinahanglan gyud sa adoption aron sa pagprotihir usab sa katungod sa mga matuod nga ginikanan, “x x x The general requirement of consent and notice to the natural parents is intended to protect the natural parental relationship from unwarranted interference by interlopers, and to insure the opportunity to safeguard the best interests of the child in the manner of the proposed adoption.

Clearly, the written consent of the biological parents is indispensable for the validity of a decree of adoption. x x x” (Landingin vs Republic of the Philippines, G.R. No. 164948, June 27, 2006). Busa, kon imong makuha pagtugot sa amahan then mamahimo na ninyong sugdan ang proseso sa adoption pinaagi sa pagpasaka og Petition for Adoption sa korte. Thank you and God Bless! — Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.