Ang Simbahan ingon nga katilingban nga nag-inambitay
Pasiuna Basahon: Buhat 2; 42-45
Ang Pulong nga Simbahan
Gikan kini sa Griyegong Pulong Ecclesia nga nagpasabot og pundok sa katawhan. Ang simbahan sa ato pa, pundok diay sa mga katawhan nga gipili sa Dios aron mamahimong iya.
Diha sa paghigugma anaa ang pag-inambitay
Ang pulong panaghiusa nagpasabot man og pagpaambit. Diha sa atong paghigugmaay ingon nga mga igsuon atong gipakita ang atong dakong gugma ngadto kang Kristo.
Gawas sa pagpaambit sa mga butang nga makita, mahimong mapaambit pud nato ang mga butang espirituhanon. Diha sa atong paghigugma atong gipaambit ang atong mga espirituhanong bahandi. Ang panig-ingnan sa mga santos timaan man sa atong kahiusahan sa mga santos. Ang atong mga pag-ampo ug pagsakripisyo usa man ka espirituhanong tabang sa atong mga kaigsuonan nga nitaliwan na. Ang mga kalag sa purgatoryo nangandoy nga unta atong tabang pinaagi sa mga espirituhanong bahandi nga nahuptan. Ang Santos nga Misa nga atong maisip nga bahandi makatabang kanila dako uyamot.
Ang santos nga misa
Diha sa pag-ambit sa lawas ug dugo ni Kristo ingon nga katilingban timailhan man sa maong kahiusahan. Timaan kini nga gihigugma nato ang Dios labaw sa tanan ug gihigugma nato ang atong isigkaingon sama sa atong kaugalingon.
Human sa misa anaa ang hagit
Dili lang diha kutob sa pagtambong sa Santos nga Misa ang tanan mohunong. Hinunoa mopadayon pa gyud ni diha sa atong tagsa tagsa ka mga kinabuhi. Sa ato pa kun unsay atong nakat-onan diha sa atong pagsimba atong puy-an diha sa atong adlaw adlaw nga kinabuhi. Padayon ang atong pagpaambit. Ipaambit imong Time, Talent, and Treasure.
Pagsaulog
Awiton:
We Offer Our Lives
We offer our Lives to the Lord up above, we offer our hopes for its Jesus we love. And now as we pray may the Lord come and say that we’ll share in his glory one Day.