Duol ra ang gamay'ng dalan sa Forest Hills, Banawa, Guadalupe, Cebu City sa main road.
Misamot kagamay tungod sa mga badlongong habalhabal drivers nga migamit sa mga daplin para ilang parkingan samtang nagpaabot og pasahero.
Laing problema sa dalan Forest Hills mao ang unang eskina sa walang bahin nga tungason paingon sa sityo Kalubihan, diin anaay katumbahong poste sa Visayan Electric Company (VECO), nga gipugngan lag spaghe3 wires aron dili mahagba. May misiwil pang solidong butang ug nanagyungyong kadahonan sa tanom nga miangkon og espasiyo sa agianan.
Delikado kining dapita. Mapugos paghunong ang magkatagbong sakyanan nga gimaneho sa mga mabinantayong drayber, kay matagbaw’g lihay nga dili mabag-id sa mga butang misiwil nga makalumping-garas.
Ang pait, kon sa ilang paghunong mao poy pagkahugno sa katumbahon nang poste?
Wala kahay kinabuhing maalaot? Daghan baya ang mangagi dinhi. Hinungdan, dihang dunay concerned citizen, kinsa sama nako, mag-agian sab niiining dapita, sa walay pagpanuko, gitawagan ko ang VECO (hapon sa Oktubre 18, 2022) aron magpatabang pagsulbad niining maong suliran.
Usa ka Lenits ang nakatubag ug maabi-abihong naminaw sa akong gipamarayeg. Andam siya motabang, ora mismo! Nakaporke lang, aduna siyay gipangayo: ang numero niadtong poste nga katumbahon, o sa bisan unsang posteha, basta nahisakop lang sa loca?on niini.
Kay oras mahatag nako, iya kuno gilayon i-feed sa system nila ang numero ug mapadad-an dayon kinig repair team sa VECO. Patawagon ra ko niya kon anaa na.
Abi nakog sulbad na ang problema. Problema diay gihapon. Kay wala man ko kahibalo sa numero. Kinahanglang adtuon pa nako ang poste o mamalihug kog laing tawo nga mokuha sa numero. Pas?lan, asa kahang bahina sa poste makita ang numero, no? Seven numbers ra ba kuno?
Aw, wala na intawon makahigayog adto kining senior ci?zen. Labi kay nag-uwan-uwan, motorista nga mag-agian sa naasoyng lugar, diin taga VECO ray makasulbad.
Hinuon, kapanaminan kining hitaboa. Importante diay, nga isulat ang numero sa posteng ilisanan kay pangayoon man kini sa VECO alang sa madaling aksiyon. Pero mas dalaygon unta, kon VECO nay mokuha sa numero alang sa nanginahanglang kliyente.