Sukaranan:
Nagatuo ako kang Jesukristo Bugtong Anak sa Dios nga natawo sa Lalang sa Espiritu Santo ug Gianak ni Maria nga Ulay ug Nahimong Tawo…. (cf. Credo sa mga Apostoles)
Ang Pagpahibalo ni Arkanghel Gabriel Ngadto kang Maria
Basahon: Lukas 1;26-38
Pagpasabot/Pagpalawom
Buot sa Dios nga ipadala ang iyang bugtong Anak nganhi sa kalibotan aron luwason ang katawhan gikan sa ilang kasal-anan. Buot sa Dios nga sama kanatong mga tawo nga ang iyang Anak nga si Jesus mamahimong sama kanato. Gisulay ug nag-antos sa ingon nga paagi. Ang pagkamanggihatagon ni Maria sa iyang pag-ingon: “Matuman unta dinhi Kanako sumala sa imong pulong.”
Ang atong Ginoo nahimugso ug nahimong usa kanato
Basahon: Lukas 2;1-7
Pagpalawom/Pagpasabot
Didto sa kamalig sa Belen kun Bethlehem (nga nagpasabot og house of Bread) ang atong Ginoo gipahimugso aron mamahimong usa ug sama kanato, kabus ug nag-antos. Ang panahon sa Pasko sa Pagkatawo sa Ginoo nagpasabot lamang nga mahinungdanon gyud kitang mga tawo sa mga mata sa atong Dios. Agig bugti niini atong ihalad kaniya kining mosunod:
Prayer kun pag-ampo dili lang alang kanato kondili alang usab sa uban.
Availability alang sa uban.
Sincerity diha sa atong kaugalingong paningkamot.
Knowledge diin mas mamahimong sentro si Kristo Jesus ning maong pagsaulog.
Optimism kun ang pagka positive mindedness nga bisan pa man sa kalisud sa panahon ang Pasko sa Pagkatawo sa Ginoo atong saulogon uban ang gugma ug pagkamanggihatagon!
Pagsaulog
Awiton: Kasadya ning Taknaa
Kasadya ning Taknaa dapit sa kahimayaan, mao ray among nakita ang panagway nga masanagon. Bulahan ug bulahan ang tagbalay nga giawitan. Awit nga halandumon sa tanang pasko magmalipayon!