Mas maayo nga dili lang magamit ang bunga sa pagbansaybansay

Gibuksan kagahapong adlawa ang multilateral military exercise nga gisalmotan sa mga naglangkob sa Navy gikan sa Pilipinas, Estados Unidos, ug Australia samtang mitambong usab ang mga pwersa sa Navy sa Brunie, Malaysia, Canada, Great Bretain ug France.

Sa unang higayon gipahigayon ang joint military exercise tali sa Pilipinas ug sa Amerika ug sa samang higayon ang pagbansay tali sa Philippine Navy ug sa ilang Australian counterpart nga gitawag og Maritime Training Activity Sama sama-Lumbas ug dinhi pa gyud sa dakbayan sa Sugbo gihimo ang opening ceremoy.

Ang Sama-sama Exercise lahi sa lumbas apan karong tuiga ila kining giusa alang sa mas epektibong mga estratehiya sa pagpalig-on sa maritime defense sa mga nasud nga nisalmot.

Mitambong ang ang mga dagkong opisyal sa Armed Forces of the Philippines ug ang ilang mga counterpart sa nahisgotang mga nasud nga niapil niinign gihimong pagbansaybansay nga molanat hangtud sa Oktobre 18.

Adunay mahitabo nga sunodsunod nga panagbayloay sa mga kahibalo ug katakos sa pagpalig-on sa depensa sa kadagatan pinaagi sa mga tigom nga himoon apan ang ang mga physical nga pagbansay bansay o warfare training pagahimoon sa kadagatan diri sa Visayas nga layo sa mga tawo,

Sumala ni Rear Admiral Caesar Bernard Valencia ang Acting Flag Officer in Command sa Philippine Navy nga makahimo og dakong kaayohan dili lang sa Philippine Navy kon dili apil na sa mga participating countries ang gihimong pagbansay sanglit makamugna kini og interoperability ug kooperasyon sa mga naglangkob sa navy ug labaw sa tanan maghatud kini sa lig-on ug malungtaron nga kalinaw.

Samtang gipakita usab sa Philippine Navy ang kinakusgan nilang barkong igugubat ang BRP Jose Rizal, bag-o ug brand new nilang napalit gikan sa South Korea ug mao kini ang most advanced warship sa nasud nga dunay four dimensions of warfare o naay nakamontar nga mga missiles.

Kabahin lang kini sa modernisasyon sa Philippine Navy ug aduna pa kunoy daghang mga kahimanan nila nga moabot.

Manghinaut lang kita nga magbunga og kaayohan kining gihimong pagbansay bansay sa mga nasud ug magamit alang sa pagmintinar sa kalinaw, makaingon bitaw ko nga maayo unta og dili nila magamit ang ilang gibansay kay delikado kaayo kong gamiton nila kini kay nagpasabot nga gubat na simbako lang.