Unsaon pagpangadye sa Santos nga rosaryo
Pasiuna
Bisan pa man kun daghanan na kanato ang maantigo nang moampo sa Santos nga Rosaryo apan alang sa mga beginners atong gihimo kining maong giya o tamdanan. (Unta kining maong giya mamahimong magmapuslanon alang sa mga Katekista) Ang Santos nga Rosaryo mahinungdanong kabahin sa atong kinabuhi ang Rosary Month matag bulan sa Oktubre nagdasig man kanato nga atong himoon pagpatidlum ning mabulokong bahandi sa atong simbahan nga gipasa kanato gikan pa sa nagpasiugda niini nga si Santo Dominggo ngadto na kang Padre Peyton nga nagkanayon: “The Family that Prays Together Stays Together.”
Ania ang mga mosunod nga mga lakang kun pamaagi
1. Sugdan kini sa pag-ampo sa Mituo ako nga kuptan ang krusipiho sa Rosaryohan.
2. Sa kinauhang lusok ampoon ang Amahan Namo
3. Sa sunod ka tulo ka mga lusok ampoon ang Maghimaya ka Maria
4. Isunod pagpangadye ang Himaya sa Amahan
5. Sa sunod nga lusok, ipahayag ang misteryo ug pangadyeon ang usa ka Amahan Namo
6. Sa Napulo ka lusok pangadyeon ang Napulo ka Maghimaya ka Maria ug tapuson kini pag-ampo sa Himaya sa Amahan ug sa Pag-ampo sa Fatima.
7. Isunod ang Litaniya sa Birhen
8. Salve Regina kun Maghimaya ka Rayna
Dili kita makaadto kang Jesus kun wala si Maria Santisima sa atong Kinabuhi. Mahinungdanon siyang kauban sa matag panaw nato padulong sa atong Ginoong Jesus. Siya sa kanunay manalipod kanato gikan sa gahom sa kangitngit.