Dear Atty. Divine,
Mangutana ko labot sa pagbahin sa yuta. Kay ang pamilya sa akong boyfriend nagbahin sila sa yuta apan dili patas ang sukod. Ang kamanghuran 6,900 square meters ang iyang share, ang share sa papa sa akong boyfriend 5,700 square meters lang, ang share sa ilang eldest 6,900 square meters, hasta ang share sa usa niya ka igsuon 6,900 square meters sab. Karon gipatawag ang amahan sa akong boyfriend kay milapas daw siya sa iyang sukod, pwede ba among ipasukod og balik ang yuta aron maklaro ang gidak-on? Daghang Salamat.
Mel
* * *
Dear Me,
Kun magsuon ni silang tanan nga nagbahin sa yuta nga kabilin sa ilang ginikanan, dapat equal sharing sila, buot ipasabot nga pareho sila og sukod. Hinuon mogamay ang share sa ubang heirs kun pananglit nagbaligya siya og portion sa iyang share, apan kun wa siya magbaligya then patas gyud sila og gidak-on. Aron masulbad na ilang problema, mas maayo ilang ipa-survey og usab aron matarung sa pagsukod, butangan og mohon aron klaro ang utlanan ug aron di na sila maglalis. Mag-contribute lang sila para sa bayad sa surveyor aron di na sila maglalis sa gidak-on sa ilang yuta. Thank you and God bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.