Pinasikad sa: Mateo 9; 9-13
Dunay mga rason kun nganong ang mga Pariseo in particular ug ang mga Judio in general lagot gyud kaayo sa mga kobrador sa buhis. Ang mga rason naglambigit man ning mosunod:
1. Nialagad sila sa Roman Empire nga sa ato pa ang maong mga kobrador sa buhis nahimong maluibon sa ilang kaugalingong katagilungsod.
2. Corruption. Kini tungod kay daghan sa mga ahente ang mopahamtang man og dili makatarunganong interes nga nakapasamot naman hinuon sa kasakit sa mga tawo nga nagkalisud lisud na daan. Kaniadto pa gyud diay anaa na ang mga mapahimuslanon.
3. Si Jesus usa ka moral figure. As expected nagtudlo siya kun unsay makaayo ngadto sa kinabag-an. Fully aware siya sa nahisgutang panlantaw ning maong mga kobrador sa buhis. Apan bisan pa niini nakigsuod gihapon siya kanila ug gani gitawag pa nila ang usa kanila nga si Mateo ingon nga kuyog sa iyang mga tinun-an.
4. Ang mga Pariseo exclusivist ug perfect oriented kaayo nga mga tawo mao nga dili kita nila makabasol kun ugaling nganong suko kaayo sila mga kobrador sa Buhis.
Sama kita usahay sa mga pariseo sa atong pagka metikoloso. Ang atong pagka far sighted sa mga sala sa ubang tawo maoy nakapanudnod kanato hinuon sa impiyerno.
Wala ko moingon nga tolerable ang bisan unsang dautan nga pagahimoon labina kun ugaling naglambigit kini og usa ka malupigong sisema.
Apan unta atong makita nga kun unsa ang taksanan nga atong gigamit sa uban mamahimo usab nga taksanan nga ilang gamiton batok kanato. Think a thousand times before you judge.