Gustong mogamit sa apelyido sa pagka-dalaga

Dear Atty. Divine,

Duna lang koy pangutana labot sa akong apelyido kay hangtud karon ang apelyido sa akong bana maoy akong gigamit. Dugay na ming nagbuwag og naa na gani siya’y laing pamilya og mga anak. Ang akong mga government issued ID sama sa SSS, Philhealth, Pagibig og BIR TIN ID pulos apelyido sa akong bana ang akong gigamit. Gusto unta nako nga ipausab og ang akong apelyido sa pagkadalaga na unta ang akong gamiton, mamahimo ba kini? Daghang Salamat. —Lea

* * *

Dear Lea,

Basi sa balaod, ang minyo nga babaye dili obligado nga mogamit sa apelyido sa iyang bana. Apan kun imo na kining nasugdan sa pag gamit sama sa imong mga government transactions maglisud ka na og  usab niini kay mangayo sila og valid reason and support sa imong tinguha nga pag-usab sa imong apelyido. Gawas pa, bisan kun nagbuwag na mo sa taas na nga higayon sa imong bana apan wa pa ma-annul sa korte ang inyong kaminyuon, basi sa balaod nag exist pa gihapon ang inyong marriage. Busa kun gusto gyud ka nga mausab ang imong apelyido, kinahanglan nga imong ipa annul ang imong marriage kon wa na gyud moy chance nga magkabalik pa. Kun modesisyon ang korte pabor sa imong Petition for Annulment of marriage, mamahimo nang di na gyud ka mogamit sa apelyido sa imong bana og pwede na nimong pailisan ang imong apelyido sa imong mga government issued ID. Hinuon pwede sab nimo suwayan ang SSS, Philhealth, Pagibig og BIR sa pagpangutana kun unsay gikinahanglan nilang mga dokumento nga isuport sa imong tinguha nga pag-usab sa imong apelyido ug paggamit na sa imong apelyido sa pagkadalaga. Thank you and God bless. — Atty. Divine

Alang sa inyong pangutana, palihug lang sa pag-email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.