Kita magdamgo, dalan sa mas maayong ugma

Kini ang akong yanong hubad sa libro nga sinulat ni Papa Francisco: “Let us Dream the Path to a Better Future!” Salamat ni Mam Vilma Lee nga nihatag kanako ning maong libro aron akong magamit ingon nga sukaranan sa akong maampoong pamalandong.

Sulod sa maong libro ang tutulo ka mga mahinungdanong bahin nga naglambigit ning mosunod nga mga titulo: “ A Time See, A Time to Choose, A Time to Act” yano apan dasok sa kahulogan ang  maong mga ulohan apil na ilang mga unod kun content.

Practical ang maong libro ug gani nitukbil kini sa isyu sa synodality kun ang pagpanaw ingon nga katilingban alang sa kabag-ohan.  Unta masabtan kini ingon nga maayong lakang alang sa pag-ugmad sa kinabuhi ingon nga simbahan.

A Time to See. Unta ang atong makita dili lang ang palibot kondili ang tawo nga nahimong mahinungdanong talan-awon sa palibot.

Ang iyang kahimtang, seguridad ug ang iyang padulngan. Sa laing bahin atong makita usab unta ang bili sa kalikupan nga atong gipuy-an.

A Time to Choose diin mas makahuloganon ang pagpili sa kaayo ug kamatuoran kaysa kadautan kawalay pagpakabana.

A Time to Act nga sa ato pa nahimong mahimo ang mga lakang nga angayan natong himoon aron isip nga simbahan kita makalahutay taliwala sa mga hagit ning atong kalibutan karon.

Malisod man ang pagpaminaw apan kun ang matag usa makahimo unta niini, nan mamahimong hapsay ug puno sa kinabuhi ang atong panaw.

Tinuod gyud ang giingon: Ecclesia Semper Reformanda, Ang simbahan sa kanunay nagkinahanglan og kausaban.