Dunay penalty kun dugay bayran ang capital gains tax ug documentary stamp tax

Dear Atty. Divine,

Duna koy pangutana labot sa yuta nga akong napalit, mga 500 SQ.M. Naa na kini Deed of Absolute Sale ug gihimo kini niadto pang Oktobre 2021, para sa pag-transfer sa titulo sa yuta, kompleto na ang tanang papeles.

Apan wa pa nako ma-submit sa BIR kay apiki sa kwarta. Ang ako pangutana, naa ba ni penalty or expiration ang Deed of Absolute Sale kay wa nako dayon ma endosar sa BIR ? Daghang salamat.

Nits,

* * *

Dear Nits,

Dili mo-expire ang Deed of Absolute Sale apan kinahanglan nga bayran ang Capital Gains Tax niini sa BIR within 30 days gikan sa pagnotaryo sa dokumento, samtang ang Documentary Stamp Tax dapat kining bayran on or before the 4th of the month gikan sa pagnotaryo.

Busa mas maayo nga imong ipa compute sa BIR ang bayranan  kay samtang magkadugay, magkakadako ang imong bayranan tungod sa penalty.

Ug maglisud na hinuon ka sa pagbayad niini. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.