Bruce Almighty

Gidapit mi og usa ka panihapon ug ang nahitabo mao nga nagtan-aw mi og salida.

Ang ulohan sa maong salida mao ang salidang Bruce Almighty. Ang plot sa maong sugilanon mao nga si Bruce nihimo og complain sa Ginoo tungod sa mga hitabo sa iyang kinabuhi.

Tungod niini ang Dios nitugot nga gamiton ni Bruce ang iyang gahum ug mamahimo siyang Dios sulod pipila ka mga adlaw sa usa ka kondisyon nga dili mahimong iyang hilabtan.

Apan may mga butang nga wala paabota ni Bruce. Ug kini mao man ang mga butang kalabot sa kaakohan sa usa ka Dios nga naglambigit ning mosunod:

1.Pagpaminaw sa daghan kaayong pag-ampo sa katawhan tibuok kalibutan ug pagtubag niini.

2.Pagsabot sa tagsa tagsa ka mga tawo.

3.Pagtabang ug dili ang pagdaut.

4.Pagluwas ug dili ang paglaglag.

5.Pagmahal ug dili ang paggukod.

Kining mga butanga ang lisod kaayo atubangon ni Bruce.

 Nihangyo siya sa Ginoo sa kataposan nga kun mahimo kuhaon na lang ang maong gahum nga kaniya gipahulman.

Dili na niya buot  nga mamahimong Dios. Ang Dios miingon kaniya: “Dayon sa akong kalibotan anak!” Ug tuod man nahimong normal pagbalik ang kinabuhi ni Bruce ug dili kay normal lang, malipayon pa gyud.

Mag-unsa man tuod ang paghupot og gahum kun sa paggamit niini dili ka maalamon.