Mga Pagbasa: Jer. 33;14-16/Sal. 25/1 Tes. 3;12-4;2/Lk. 21;25-28,34-36
Ang pagkamaigmaton ug ang kaabli sa kabubut-ong Diosnon maoy gikinahanglan dako uyamot ning panahon sa Adbiyento.
Ang adbiyento gikan man sa pulong ADVENTUS nga nagpasabot og PAG-ABOT. Uban ang kalipay (bisan anaa ang kalaay) atong gihandum ang unang pag-anhi sa atong Ginoo sa dihang duha ka libo na ka mga tuig ang nilabay ang atong Ginoo nahimong sama gyud kanato ug nakigpuyo kanato.
Mao nga ang Adbiyento mao ang pangandam sa pasko sa pagkatawo sa atong Ginoo. Sa laing bahin, atong gipaabot ang ikaduhang pag-abot sa atong Ginoo. Gitawag kini og Parousia.
Kanus-a kini mahitabo wala ta masayud. Apan Seguro ko ug kita nga kini mahitabo. Mao nga unsay angayan natong buhaton? Atong huptan kining mosunod:
METANOIA kun ang pagkakabig sa atong kasingkasing ug hunahuna ngadto sa Dios. Atong huboon ang atong tawhanong kahakog.
KOINONIA kun ang katilingbanong kinabuhi. Kuwang ang tanan alang kanato kun atong sud-ongon ang tanan diha sa pag-inusara lamang.
Kay ang atong kahingpitan makab-ot man pinaagi sa atong pakiglambigit sa uban.
DIAKONIA kun ang pagpangalagad sa atong mga kaigsuonan. Kay after all ang atong Ginoo dili man buot sa mga halad sinunog lamang.
Iyang gipaabot gikan kanato ang atong tampo diha sa pagtukod sa iyang gingharian dinhi sa yuta ug kini mao man ang pag-anhi aron moalagad ug dili aron alagaran. Christian greatness after all is understood in the context of humble service… dili lang pangalagad diha sa pulong kondili pangalagad usab diha sa buhat.
Kaya ng pagtuo nga walay buhat, patay man nga pagtuo. Ning panahon sa Adbiyento mao unta kini ang atong pagahimoon.
Happy new year natong tanan! Kaysa atong kalendaryong Katoliko bag-ong tuig man ang adbiyento!